terça-feira, 19 de agosto de 2014

segunda-feira, 18 de agosto de 2014

REALIDADE NEBE SUBAR

REALIDADE NEBE SUBAR

on agosto 18, 2014 1 Comment
Rihun Domin Husi Háu Ba Ó, Ó Sente Mamuk
Rihun Sacrificio Husi Háu Ba Ó, Ó Sente la Naton Ba Ó Nia Haksolok
Rihun Comprensaun Husi Háu Ba Ó, Ó Sente Falsu no Laiha Sentido
Tamba Ó Senti Mamuk Husi Háu Nia Sacrificio Nebe Lanaton Ba Ó Nia Haksolok
Ne'e Mak Hamate Ó Nia Comprensaun no Considerasaun Katak Buat Hotu Husi Háu Falsu no Laiha Sentido Ba Ó.

Maibe Ó Haluhan An no Lakon Comprensaun Atu Descobre Háu Fuan Nia Sente
Tamba sa..!!!, Doben
Labele Halo Háu Hamnasa Maibe Subar Triste
Labele Halo Háu Kontenti Maibe Subar Kanek
No Labele Halo Háu Iha Ba Ó, Maibe Ó Mamuk Tebes Mai Háu


Autor :
Juliao Ximenes
APRENDE INSTAL RASIK WINDOWS 8

APRENDE INSTAL RASIK WINDOWS 8

on agosto 18, 2014 0 Comment
Tutorial Completo Atu instal Windows 8 no Mos Iha  imagem



Uluk nain-nain hamoris Komputado or leptop no hare booting..depende komputador belun sira nia kada ves tekan ESC, F1, F2 no seluk tan, wainhira tama ona ba booting entao hare tuir imagen iha okos Ne...
no uja DVD ka USB, Hili tuir Belun Sira Nebe uja..



Nota : Presica belun sira tengki hatene, vários BIOS Nia Button MENU La Hanesan.




Hotu orcida Mosu Imagen hanesan Iha okos Ne



Processo  instalação  Windows 8 atu começa, Hili linguagem nebe ita bot sira hatene, atu nune  instalação la dificil ba belun sira.



Agora klik iha INSTALL NOW, Atu começa instalação  Windows 8




Hein Processo  instalação Windows 8



Hatama Procut Key Nebe Ita Bot Sira iha ...



Klik Iha I accept the license terms para a próxima etapa, klik NEXT


Sei Belun Sira Hakrak Mengupgrade Windows 7 ba Windows 8, Belun Sira Bele Hili MENU Upgrade .
Sei Belu Sira Hakrak  instalação Windows 8, Belun sira bele Hili Menu Custom.



Hili Partisi nebe beln sira atu instalação Windows 8 ba, Klik NEXT
Wainhira Partisi Belun sira seidauk Setting entao klik iha DRIVE OPTIONS, no hili FORMAT Hotu mak klik iha NEXT.


Depois Ne Processo  instalação Windows 8 Lao Dadauk ona, hein Processo deit.


Hotu Processo  Instalação, Orcida haruka Belun Sira Atu Tau Naran Komputador no Hili Kor THEME, isi Hotu entao klik NEXT.



Depois Se Haruka Belun Sira Atu SETTING PC, Tuir sugestões Hau Hili CUSTOMIZE.



Hein 10 Menutu hanesan Ne Belun sira bele Hare ona windows 8.



No Agora Belun sira bele Acesso Ona WINDOWS 8...


NOTE : HAU ESPERA KATAK BUAT SIRA BELE AJUDA BELUN SIRA ATU INTALASI  RASIK BELUN SIRA NIA KOMPUTADOR KA LEPTOP.
MANEIRA ATU ISTALASI WINDOWS 8 or 8.1 Hanesan Deit


sábado, 16 de agosto de 2014

ONESTIDADE NE’E IMPORTANTE TEBES

ONESTIDADE NE’E IMPORTANTE TEBES

on agosto 16, 2014 0 Comment
Kompaña boot ida, buka hela funsionáriu tékniku nain ida atu xefia departementu ida iha kompaña ne’e. Aplikante sira barak tebes mak ba prienxe formuláriu, tuir teste hakerek, entrevista no testu psikolojia. 
Hafoin ezame hirak ne’e hotu tuir prosedimentu formal ba aplikante sira, ikus liu dezafia aplikante sira ho teste foun ida. Aplikante ida-idak simu fore-mungu manko ida hadi ba halo viveiru, no tuir tempu ne’ebé determina ona ida-idak tenke lori fila fore-mungu-oan ne’ebe moris buras ba kompaña refere. Se nian mak buras, fresku no furak liu, nia mak sei hetan pozisaun ne’e ho saláriu aas.

Liu tiha semana balun, aplikante ida-idak lori ho sira nia fore-mungu-oan ba kompaña. Aplikante sira hatudu ida-idak nia rezultadu serbisu no espera hela atu hetan pozisaun ne’e. Ita hare katak susar tebes ba kompaña atu hili ema nain ida, tanba maioria hatudu viveiru ne’ebé buras, fresku no furak los.
Ekipa selesaun hahú bolu naran, no deskobre katak aplikante ida la-mosu la-ho razaun. Jestór kompaña nian liga telephone ba aplikante ne’e atu husu razaun tanba saida mak nia la-mai. Aplikante ne’e ho laran-triste tebes no sentimentu falla hato’o nia razaun tanba saida nia la-marka prezensa. Nia dehan, fini ne’ebé fo ba nia atu halo viveiru to’o agora seidauk moris, nia tenta ona halo buat hotu, tau-tan rai-bokur, ‘pupuk’ no rega didiak maibe fini ne’e la-moris hela deit. “Hau hanoin, hau labele ona kompete ho aplikante sira seluk, tanba ne’e hau disidi la-marka prezensa iha ita-boot nia kompaña loron-ohin”. Banhira nia atu taka telefone, Jestór kompaña dehan nune’e: “ Ita-boot mak ema ida ne’ebé ami simu iha kompaña ida ne’e, ita laran-moos”. Surpreza boot ba aplikante ne’e, to’o nia la-fiar said amak nia rona.

Tuir loloos, fini fore-mungu ne’ebé fahe ba kandidatu/aplikante sira ne’e, fini ida ne’ebé liu tiha ona prosesu ida atu kuda labele-ona moris. Tanba ne’e kompaña sei ho fasil tebes aplikante ida ne’ebé mak iha ONESTIDADE. Faktu hatudu katak iha ema ida de’it mak la-lori fila fore-mungu-oan ba kompaña, no nia mak sai manan nain iha kompetisaun ida ne’e, hetan pozisaun diak. “Ida ne’e mak ami nia prinsípiu, valor moral iha serbisu aas liu kompara ho prestasaun serbisu” jestór esplika ba aplikante sira hotu.
Fo-liu atensaun ba karate duke reputasaun, tanba karater mak ita-nia-an loloos, no reputasaun ne’e nu’udar ema seuk nia haree ba ita-nia-an.

Onestidade ne’e importante tebes iha buat hotu-hotu. Maske la-fasil atu buka onestidade no ema onestu, maibe onestidade iha duni vantajen barak iha area oi-oin inklui mos iha serbisu fatin. Onstidade fo-mos valor aas tebes ba ita nia fé.

Serbisu diak kolega sira, komprimentus.

 Autor : 
Jano B. Buti

quinta-feira, 14 de agosto de 2014

PAJINA DOMIN

PAJINA DOMIN

on agosto 14, 2014 0 Comment
Bahat iha tahan domin
Tatuur liafuan nakonu ho signifikasaun
Ha’u dita iha rihun sentimentu
Hakór furak laloran fuan

Sei nafatin iha pajina letra
Ha’u dekora iha neon ida
Sentimentu domin ne’ebé ha’u iha
Moras oinsá ba…nafatin sai aimoruk

Husik ba tempo kontinua luta
Istória furak nakonu ho memória
Husik ba tempo habadak isin
Maibe domin nafatin ha’u kuidadu nia furak

Nadodon kalan iha husar
Silensio mós naksulin
Hein to’o dukur sateia
Hein neineik no klaru iha oin madomik…!!!

Autor :
Aito Poema Xavier
Aiknanoik Mau Ciku Nia Aman Jagoan Ta'a La Dada

Aiknanoik Mau Ciku Nia Aman Jagoan Ta'a La Dada

on agosto 14, 2014 0 Comment
Iha momentu ne'e mau ciku nia aman sempre dehan ba'a vizinho sira !!
Se deit mak liman kona hau nia familia uma laran nia kakorok hau tesi kotu !!

Komu mau ciku sira hela iha bairo bekora jagoan barak, entaun mau ciku mos hatene ransu ona, komesa dok ona husi familia sira, hodi ba buka nx belun ransu sira !!

Iha loron ida mau ciku tiru hela biliar, komu nia lakon osan barak, tan ne'e mak mau ciku hasai lifuan TOLOK husi nia ibun !!

La to menutu rua ba'a leten, Tiu ida mai basa los mau ciku nia ibun !
Mau ciku atu halo reaksaun hasoru tiu ne'e, maibe hare fali TIU joao Bekora mk basa nx !!

ho nune nx nonok d8, mau ciku fila fali mai uma, nia hetan nia aman !
nx Tanis Hakilar Los, i nia Aman husu ba'a nx !!

Aciku se mak baku o.....!!!!
Mau Ciku la hatan ba'a nia aman nx nonok d8 , Tanis nafatin....!!
Nia aman nerbozu ona, halai tama ba'a uma laran foti MAUBEKA, hodi mai litik nafatin ba'a nx oan mau ciku nebe mk nia hadomi....!!!
Nx bolu istima hodi husu ba nx oan ! NO se mak baku o Tanis !!

Mau Ciku Hatan = TIU Joao Bekora mak baku hau !!
Mau Ciku nia aman hatan.....NO KETA O MAK SALA KARIK !
hahahahaha,,,jagoan bosok tennnnnn

Autor :
Istoria Komedi Domin Nian
WAINHIRA SAUDADES

WAINHIRA SAUDADES

on agosto 14, 2014 0 Comment


Iha neon nia haklena fatin
Ha’u hein ho hakmatek
Iha ka lae lian novidade
Tatoli liu husi anin
Lian viola halibur
Hamrook saudades ne’ebé tabele


Tutun kalan ne’ebé liu
Sai sasin ha’u nia triste
Xuviska saudades
Turun iha laran
Habokon iha sikun matan
To’o ha’u nono’ok laiha liafuan

Ó ne’ebé ha’u hadomi
Ó nia domin sei lakan nafatin
Hanesan ha’u nia domin
La mihis husi tempo…!!!



Autor :
Aito Poema Xavier

quarta-feira, 13 de agosto de 2014

PERSESAUN LAHANESAN BA LIA-MENON

PERSESAUN LAHANESAN BA LIA-MENON

on agosto 13, 2014 0 Comment



Aman di’ak ida, besik ona hakotu iis, iha nia fen-kaben nia-oin, fó hela lia-menon ikus ba nia oan mane na’in rua: 
Lia menon dahuluk: “labele husu fila-fali saida mak imi fó ona impresta ba ema” 
Lia menon daruak: “ Atu ba ka fila husi loza karik, keta halo loro-matan kona imi nia oin” 
Liu tiha tinan barak hafoin aman ne’e mate, faktu hatudu katak oan dahuluksai riku bo’ot maibe oan daruak (ikun) sai ki’ak rabat rai. 

Loron ida, inan bolu oan ikun hodi husu tuir, nusa mak sai hanesan ne’e:
Oan ikun nia resposta ba nia inan:


“Ne’e akontese, tanba hau halo tuir lia-menon pai nian. Pai hameno atu hau labele husu fila-fali saida mak hau fó ona impresta ba ema, tanba ne’e hau nia kapitál menus ba bebeik tanba ema laselu fila saida mak sira foti husi hau, hau labele husu ba sira”. “Nune’e mós, pai hameno, karik hau ba ka fila husi loza, keta halo loro-matan kona hau nia oin, tanba ne’e hau ba-mai sa’e taxi atu loron lakona hau, tuir loos hau bele la’o de’it maibe tanba pai hatete nune’e, hau halo tuir, hau nia osan sai barak ba taxi.”

Loron seluk, inan bolu oan dahuluk hodi husu tuir, tanba saida nia sai riku tan de’it:
Oan dahuluk nia resposta:


“Buat sira ne’e hotu tanba hau halo tuir lia-menon pai nian. Pai hameno atu labele husu fila-fali saida mak fó ona impresta ba ema, tanba ne’e hau nunka atu fó impresta ba ema ida, hau nia kapitál lasai arbiru.” “Nune’e mós pa hameno, karik ba ka fila husi loza, labele halo loro-matan kona oin, tanba ne’e hau sai husi uma sedu ba loza antes loro-matan sa’e, hau loke loza antes ema hotu loke, nune’e mós hau fila husi loza ba uma tarde, depois loro-matan monu ba tasi, taka hau nia loza hafoin ema hotu nian taka tiha ona.”
“Tanba ne’e, ema hotu hatene hau nia loza, sai favorite tanba iha oras serbisu barak liu”

Mensajen: “halo ba buat ne’ebé baibain ho esforsu ne’ebé la’os baibain”

Autor : Jano B. Buti
TAMBA INAN-AMAN

TAMBA INAN-AMAN

on agosto 13, 2014 0 Comment


Ohin ó ba

Ho razaun lakohi atu hakanek

No ó promote

Sei la sateia tan ha’u




Tamba inan aman

Ó simu maski kanek

Sakrifika domin
Ne’ebe kleur ita kuda

Ha’u nono’ok
Wainhira ó hakotu domin
Ha’u mós laiha kbiit atu hanetik
Tamba ne’e desizaun inan aman

Bele de’it tanis
Wainhira laran hetok kanek
Simu destinu domin
Lakon husi ita


Autor :Aito Poema Xavier
TRAIDOR DOMIN

TRAIDOR DOMIN

on agosto 13, 2014 0 Comment
    Ha’u ne’ebé hadomi ó 
    Realidade ó hatan hodi haterus
    Ha’u ne’ebé fó ho laran
    Realidade ó larespeita
    Tebes…laran ne’e moras tebes
    Wainhira ha’u haree ó ho nia
    Hakarak tebes atu halerik
    Wainhira ó hamaus nia ho estima
    Estima nakonu ho maña
    Ó hatudu iha ha’u matan
    Karik ho intensaun
    Atu halo ha’u kanek
    Beibeik ona ó halo sala
    Ne’ebé todan tebes atu hetan perdaun
    Maski dala barak ha’u fó biban
    Realidade ó nafatin bahat triste
    Seidauk bosu ga…ó harahun ha’u moris
    La to’o ga…ó hakanek ha’u nia sentimentu
    Karik to’o ha’u mate.


    Autor : 


segunda-feira, 11 de agosto de 2014

✞ HEROI SENTIMENTO ✞

✞ HEROI SENTIMENTO ✞

on agosto 11, 2014 0 Comment
Háu Comprende Tebes Ó, ho Ó Nia An Tomak.
Háu Koko Pasencia, Maske Dala Barak Todan Hanehan Háu.
Háu Sempre Defende no Sai Ó Nia Defeza Maske Dalaruma
Háu Hetan Ataque Nebe Liu Husi Háu Nia Kbiit 

 Ba Ó Háu Sei Larende Atu Hasoru Dezafius Moruk 
Nebe Hakarak Tenta Ó, Maske Háu Tenki Sakrifika An
Sentimento Ne'e Ba Ó, Nia Nasionalismo As Tebes.
Maske Dalaruma Ó Hare Maibe Nunka Sente

 Dalaruma, Háu Lakon Konsiencia Hodi Defende Buat Nebe Ó Halo Sala. Maibe, Nunka Fo Sala Ba Ó, no Hakarak Simu Sala Ne'e Sai Háu NianTamba Ó mak Háu.
Dalaruma, Háu Komprende Sala Hodi Fo Sala Ba Ema Seluk.
Buat Ne'e Hotu Akontese Tamba, Háu Lakoi Hare Triste Iha Ó Nia Matan 

  Tebes, Háu Promete ho Fuan 
 DIAK LIU HAU MATE DO QUE Ó TRISTE 
 Ne'e Mak Háu Nia An no Háu Nia Sentimento 

 Autór :  CHEXIMENES 
FOFOUN O NIA HAHALOK DIAK LOS

FOFOUN O NIA HAHALOK DIAK LOS

on agosto 11, 2014 0 Comment
Fofoun hau tuir Ö
Ö toman hau ho Ö nia istima.
Ö hadomi los hau,
Tane hau ho Ö nia liafuan midar,
Nu'udar Ö nia iis rohan.

Ö toman hau to kuñese hau nia moris tomak husi hau nia familia.
Haksolok tebes ho Ö,
Iha momentu ne'e...

Ikus Ö nega tia hau,
Ö tarata tan hau,
Katak hau ne'e la vale ba Ö,
Katak hau mai husi familia ne'ebé simples..!

Ida ne'e klaru,
Moris ne'e simples,
Maibé hakarak riku deit ho DOMIN.

 Autor : 
It'rua Nia Fuan Hakmatek Iha Nia Fatin
HAU LA HIRUS O

HAU LA HIRUS O

on agosto 11, 2014 0 Comment
Háu La Hirus TanBa Ita Rua Para 
 Maibe Háu Triste De'it TanBa Háu Seidauk Prontu Atu Husik Ó 

  Háu La Hirus Ba Ó TanBa La Hadomi Háu 
 Maibe Háu Hirus De'it Ba Háu Nia An Rasik Ne'ebe Mak Sei Hadomi Ó 

  Háu La Hirus TanBa Lakon Ó 
 Maibe Háu Triste De'it TanBa Háu Uluk Hamutuk Ho Ó 

  Háu La Hirus TanBa Háu La Bele Hamutuk Ho Ó 
 Maibe Háu Triste De'it TanBa Háu Hatene Saida Mak Agora Háu Hanoin Nafatin O

  Háu La Hirus TanBa Ó Haluha Ona Háu
 Maibe Háu Triste De'it TanBa Háu Haraska Atu Hamoos Ó Iha Hau Nia Laran

  Háu La Hirus TanBa Ó Sei La Fila Mai Háu
 Maibe Hau Triste De'it TanBa Háu Sei Espera Ba Ó Atu Fila

  Háu La Hirus TanBa Háu Odi Ó No La Hakarak Ó
Maibe Háu Triste De'it TanBa Háu Sei Hadomi Ó No Sei Hanoin Ó

 Autor : 
Lay Azula